Aglag Buteel Temple, Mongolia

Aglag Buteel Temple has been built recently and work is still undergoig and cituated about 100km to the west of Ulaanbaatar city at a beautiful valley with trees and big snotes and hills near Daliin Am, Bornuur soum, Tuv aimag.

It was lama Purevbat's temple, he is one of the prominent modern Buddshist artist of Mongolia.   It was easy to get there and see extraordinary works of him and his colleagues.  This place where he grew up as a child.

The entrance fee was in summer 2015, 5000T per person. Hundreds of Mongolians were visiting this place for as a tourists or for religious purposes. All the stones are natural and as an  artist Lama Purevbat looked and carved as an fairy tale creatures.

 There are seven stones,which was brought by Mongolian wrestler.  As an explanation of when Buddha was born he made seven steps. In the photo only four stones.

 Resting Buddha/

If you want to know more detailed information it is here  I am sorry, it is in Mongolian. For the video click here

Photos @J&B Hughes

Зуны гурван сар зугаатайхан өнгөрлөө

Энэ зуны гурван сар үнэхээр зугаатайхан өнгөрлөө дөө. Зургаан сард нилээд сайн гольф тоглож амжсан бол долоон сард Монгол яж, 8 сард Португалын хойт зүг рүү бас долоо хоног амраад ирэвээ.

Португал маш олон гольфын талбайтай, зарим нь бүр олон улсын хэмжээний тэмцээн зохион байгуулахад зориулагдсан аль эсвэл ашиглагдаж байсан хүртэл бий. Миний хувьд Ешторил гольф гэдэг газар очиж тоглодог.

Энд тоглож эхэлсэн түүх нь бас сонирхолтой л доо. Ер ямар тоглоом байдаг юм бол гээд нэг удаа үзчихье гэдэг зангаасаа болсон юм. Үнэхээр таалагдаад, бас багш нь сайн байсан тул сурахаас аргагүй болсон л доо. Тэгсэн чинь багш маань намайг чамд хэтэрхий их хүч байна гээд байдаг, нөгөө бөмбөг нь хол явж өгдөггүй хоёр бас хор шар хүргэсэн байж магадгүй л дээ.

Атлантын далайн эрэг дээрх Эшторил хотод ойрхон болохоор ингэж нэрлэсэн байх. Энэ талбайг Palacio Estoril зочид буудал эзэгнэнэ. Энд буудалд буусан хойт Европын олон хүмүүс, бүр группэрээ ирж тоглоно.  Португал улсын уур амьсгал дулаан болохоор гольфын талбай жилийн дөрвөн улиралд ажиллана. Зөвхөн дуу цахилгаантай бороотой үед л хаалгаа барина уу гэхээс биш өвлийн бороо асгаж байхад гольфчид тоглож л явна. Би нэг удаа нэгэн бороотой өдөр тоглож гэнэ алдаж билээ. Одоогоор үхэн хатан тоглох гольфын амтанд ороогүй болохоор арай ч муухай бороотой өдөр тоглодоггүй юмуу.

Би энд хоёр япон найз, нэг солонгос найзтайгаа дөрвүүлээ хоёр дахь өдрийн өглөө болгон 9 нүх тоглоно. 9 нүх тоглоход заавал хувийн оноо шаардахгүй, ердө 10 евро төлөөд өдөржингөө ч тоглосон болно. Ихэнхдээ бид 2 удаа 9 нүх тоглочихоор барагг 18 нүх тоглосонтой адил болж байгаа юм. 



Далайн эрэг, уулын орой, ой мод харан 2-4 цаг алхахад үнэхээр сэтгэл сэргээд сайхан шүү. 

8 сарын эхээр УБ-с буцаж ирээд 2 удаа тоглосон. Эхний удаад нь сайхан байсан боловч, хоёр дахь удаагаа очиход хэтэрхий халуун байсан учраас дундаас орхиод явчихсан юм. Одоо хүүхдүүдийн сургууль эхлэхээр одоо гурвуулаа болсон,  нэг япон найз маань нутаг буцсан учир, тоглож эхэлнэ дээ. Гольф, алхаад марш болж байгаа юм

Зуны зугаатай өдрүүдийн тэмдэглэл цаашид үргэлжлэх болноо.

Португалын амьдрал: Champalimaud Foundation

Шампалимауд Сангийн хаалгаар орж ирэнгүүт том шилний цаана байгаа цэцэрлэг харагдангуут л үнэхээр сонин шийдэлтэй архитертур угтсан юм. Португал гаралтай Чарлес Коррейа, Charles Correia, Энэтхэгийн Гоад амьдардаг архитектурч энэ барилгын зураг төслийг гаргажээ.

Шампалимау Сан нь Антонио дэ Соммэ Шампалимау-гийн (António de Sommer Champalimaud) эцэг эх хоёртоо зориулан босгосон сан юм.

Энэ сан нь халдвар судлалын чиглэлээр ажилладаг өгөөд жил бүр 1 сая евроны шагналыг хүмүүсийн хараагүй болох талаарх судалгаа хийж буй хөгжиж буй орны эрдэмтэн судлаачид олгодог.Энэ санг үүсгэн байгуулсан хүн амьдралынхаа сүүлийн жилүүдэд нүдний хараа нь муудаж сохорсонтой холбоотой юм

33 орны 40 докторантурын оюутнууд энэ санд судалганы ажлаа хийж байна. Өмнө нь энэ санд ажиллаж байгаагүй орны хүн ирэхэд тухайн иргэний оны тугыг залж албан ёсны танилцуулга хийдэг гэнээ.  The Scientist сэтгүүлд энэ санд ажиллахад хамгийн сайн газар гэж эрдэмтэд үнэлжээ.

Энэ том цонхны цаанаас Лиссабоны гол барилга болох Белемын цамхаг (Belem Tower) харагдана.  Цонхыг Японд үйлдвэрлэсэн бөгөөд ийм том цонхыг авчрах усан онгоц олдоогүй учир дөрвөн хэсэг болгон авчирчээ. Япончууд Лиссабоны аквариумыг шилээр хийж өгсөн туршлага нь португалчуудад бас хэрэг болсон юм.

Лиссабоны аквариум, Lisbon Oceanarium, бол жуулчид болон португалчуудын очих газрын нэгэн. Нэгэн том аквариумд далайн олон төрлийн загаснууд сэлээд л, түүнийг тойроод олон янзын үзмэрүүдтэй.

Ажлын өрөөны хаалгаар нэвт харахад Атлантын далай болон Алжес хо үзэгдэнэ. Ийм албан газарт ажиллахад судалгааны ажил мэдээж муу гарахгүй байх даа

Наана байгаа жижиг шилэн саванд жимсний ялаануудын байлгана. Судалгаа хийхэд их чухал байдаг юм гэсэн энэ ялаанууд нь

 Цаана харагдаж байгаа нь нүх юм. Энэ нь сангийн барилгад дөрвөн ширхэг цонхон хэлбэр бий.

Португалын хувийн болон улсын эмнэлэг

Саяхны хэдэн өдөр бие өвдөөд, тэсэхээ болиод өөрөө өөрийгөө оношлоод эмчид очоод үзүүлэв. Өглөөний 11 цагт эмнэлгийн хаалгаар машинтайгаа орлоо, машины зогсоол үнэтэй.  Тэгсэн нөгөө эмч маань юу ч мэдэгдэхгүй байна гээд яаралтай тусламжийн эмч рүү явууллаа. Тэнд очоод байцаалтанд ороод, би баахан өвчнөө тайлбарлаад, эмч хоёр гурван хуруугаараа компьютертээ миний талаар тайлан тавиад л байна. Цусны, шээсний шинжилгээ аваад дусал залгачихлаа. Дараа нь эход харна гэнэ. Хүлээгээд л байна. Өдрийн цайны цаг ч болчихлоо. Мэдээж хоолны бараа битгий хэл, хоол ч бодогдохгүй байна л даа, яагаад гэвэл дусал залгуулчихсан юм чинь яаж өлсөх вэ дээ. Нэг бодлын ходоодонд хөнгөн юм даа.

Эход нь очоод үзүүллээ. Бүх юм зүгээр байна гээд 2 янзын, хүйсний дээд, доод хэсгийг эход харсан нэг эмч хэлэв. Хоёр төрлийн эхоны төлбөр авчихаж байгаа юм чинь. Яалтай вэ дээ. Уул нь нэг эмч л, нэг л аппаратаар харсан шүү дээ. Мөлжчих юм л даа.

Буцаад л яаралтын тусламжийн эмчдээ очлоо. Өглөөний эмч ээлж нь буугаад солигдчихож. За тэгсэн нэг өвчний нэр хэлж байна. Хэлэхэд төвөгтэй нэр хэлээд эмийн сангаас эм авчих гээд жор бичиж өгөв. Тэгээд хоёр хоногийн дараа буцаж ирээрэй гээд явуулав.

Эцэст төлбөр төлөх болов. Хувийн эмнэлэг болохоор яалтай вэ дээ.  Дөрвөн эмчийн гар дамжиж, олон шинжилгээ хийсэн гээд бараг 400 евро төлөөд, бас болоогүй 10 хувийн хямдралтай шүү бас, таван цаг эмнэлэгт өнгөрүүлээд гарлаа. Энэ өдрийн хувийн эмнэлэгт өнгөрүүлсөн адал явдал машины зогсоолд бараг 8 евро төлснөөр төгсөв.

Маргааш нь улсын эмнэлэгт хяналтанд байдаг эмчдээ очиж үзүүлэх хэрэг гарсан юм. Өмнө нь цусны шинжилгээ, эход харуулчихсан, бүгд үнэгүй, өглөө эрт ходоод хоосон очих нь л төвөгтэй. Эмчдээ үзүүлсний төлөө 7 евро төллөө. Эмчийн хэлснээр бүх юм ОК байна гэнээ. Мэдээж энэ эмнэлэгт үзүүлэхэд, жишээ нь 10.3-д ир гэсэн бол 11.30 эмчийн өрөөнд орох бүрэн баталгаатай.

Энэ эмч маань өмнө нь намайг хувийн эмнэлэгт үздэг байсан юм. Цусны шинжилгээ, эхоны төлбөр 300 евро ямарч байсан хүрнэ.  Яагаад ч юм улсын эмнэлэгт үздэг болсон юм.  Португалын эмч нар хувийн болон улсын эмнэлэгт ажилладаг юм.

Хэдийгээр би бүх төлбөрийг өөрөө төлж байгаа ч гэсэн дараа эрүүл мэндийн даатгалаасаа 80-ийг нь буцааж авдаг юм. Тийм болохоор нэг их мөнгө төлөөд байгаа ч гэсэн эцэстээ сүйдтэй төлбөр гардаггүй л дээ.

Zara, Зара Испанийн компани

1963 оноос Испанийн баруун хойт хэсэгт орших Гализия мужийн Ла Коруна хотод анхны эхнэртэйгээ банны халаат оёж бизнесийн гараагаа эхэлж, Зара нэрийг дэлхийд алдаршуусан Амансио Ортега Гаона (Amancio Orgeta Gaona) одоо Испанийн хамгийн баян, Форбесийн жагсаалтаар дэлхийн номер 4 дэх баян болжээ.

 

1975 онд анхны дэлгүүрээ Ла Коруна хотын төвд нээснээс хойш 1999 он хүртэл түүний гэрэл зургийг олж харах боломжгүй байсан бол одоог хүртэл зөвхөн 3 сэтгүүлчид ярилцлага өгсөнийг тооцоход хувийн амьдралаа олны хараанд оруулалгүй амьдарч чадаж яваа дэлхийн баян болсон байна. 



Зара гэдэг нэр өдийд байхгүй ч байж болох тохиолдол байсан бөгөөд Грекийн Зорба (Zorba) гэсэн Ортегагын хүссэн нэрийг аль хэдийн хэн нэгэн хүн ашиглаж байснаас болоод одоо бидний дуртай Зара гэдэг нэр үүсчээ.

1988 онд Индитекс Групп (Inditex Group) анхны гадаад дахь дэлгүүрээ Португалын Порто хотод нээсэн бөгөөд одоо дэлхий даяар 6390 дэлгүүрт нь 140 үндэстний 92000 ажилчид ажиллаж байна.

Индитекс групп дотор Pull&Bear, Massimo Dutti, Bershka, Stradivarious, Oysho, Zara Home, Uterque брендүүд багтана.

Pull&Bear, Bershka брендүүд нь дунд сургуулийн сурагчид, оюутнуудад зориулан хувцас үйлдвэрлэдэг.

Stradivarious зөвхөн залуу охид, эмэгтэйчүүдэд хувцсаа зориулна.

Oysho - дотуур хувцас, Zara Home - гар, нүүр, банны алчуур, орны даавуу г.м.

Massimo Dutti, Uterque хоёр бренд нь дундаж орлоготой хүмүүст зориулсан бренд гэж хэлж болно. Эдний хувцас нь чанар сайтай, үнийн хувьд Зара-гаасаа арай илүү үнэтэй. 

Хоёр долоо хоног тутамд Зара дэлгүүрийнхээ хувцасыг шинэчилж байдаг. Парис, Лондон, Нью-Йорк, Милан зэрэг хотууад болдог өвөл, зуны моодны үзүүлбэрт оролцож байгаагүй ч дэлхийд алдартай, люкс бараануудаас илүү олны дунд алдаршсан.


1980-аад оны сүүлээр дэлхийд нэрд гарч эхэлсэн Индитекс групп 2001 5-рсарын 23-нд Мадридын хөрөнгийн биржид хувьцаагаа худалдаж эхэлжээ.

Үүнээс хойш 10 жилийн дараа гэхэд дэлхийн таванд тивд дэлгүүрээ нээсэн байна.

Одоо бүх брендүүд нь интернетээр худалдаа хийдэг болжээ. Испани, Португал, Грект байдаг Зарагийн дэлгүүрт зарагдаж байгаа хувцаснууд бусад Европын орнуудад 30 хувийн илүү бага үнэтэй зарагддаг.  Мэдээж энэ бүхнийг Зарагийн Ла Коруна дахь төвд дизайнарууд нь дэлхийн таван тивийн цаг агаар, хувцаслалтын соёл, баяр ёслолын өдрүүдийг алдалгүй дагаж ажиллаж байгаагаараа Испанийн эдийн засаг битгий хэл, Европын эдийн засаг муу байгаа цагт Индитекс групп хямралд оролгүй ажилласаар байна.



















Эх сурвалж: http://www.inditex.com/en/home
http://www.forbes.com/profile/amancio-ortega/
http://fortune.com/2013/01/08/meet-amancio-ortega-the-third-richest-man-in-the-world/
Noticias Magazine. June, 2014
http://www.theguardian.com/fashion/2013/dec/15/inditex-spain-global-fashion-powerhouse

Португалын амьдрал: Fátima, Фатима, мөргөлчдийн хот

2017 оны таван сарын 12-нд пап лам Франциско Фатима хотод Мариа үзэгдсэний 100 жилийн ойд хүрэлцэн ирж мөргөлчидтэйгээ уулзсан юм. Дэлхийн өнцөг булан бүрээс сая гаруй хүн энэ жижиг хотод бас хамт ирсэн. Энэ өдөр Рики Мартины концерт Лиссабонд болох байсан боловч нэг сараар хойшлогдож билээ.

Жижигхэн хотод сая гаруй хүн хүлээн авна гэдэг бол үнэхээр хэцүү. Лиссабоны зарим улсын байгууллагууд энэ өдрүүдэд хаагдаж, мөргөлчдөд таатай сэтгэгдэл төрүүлсэн байх. Дараа нь бүх юм дууссаны дараа энэ бүх хүмүүсийг буцааж зөөхөд, билет байсан ч унаа олдохгүй хүмүүс олноороо гомдол гаргаж байсныг ТВ-ийн мэдээгээр мэдээлж байсныг санаж байна.

Португал орныг зорьсон Өмнөд Солонгосын жуулчид гэхэд 2017 онд 100.000 хүрсэн гэж нэгэн уулзалтан дээр Өмнөд Солонгосын элчин сайд хэлж байж билээ. Энэ нь Лиссабон, Сеулийн хооронд шууд нислэг нээхэд ч болохгүй зүйл байхгүй баталж байсан.


хххххх
Европын баруун өнцөгт, Атлантын далайн эрэгт орших Португал орон дулаан уур амьсгал, далайн эргээрээ өвөл, зунгүй Европчуудын жуулчлах дуртай орны нэг болоод уджээ.  Зөвхөн далайн эргээс гадна улаан, цагаан, ногоон дарс болон порто дарс амтлах, голф тоглох нь олонтаа.

Мөн мөргөлчид сая саяаараа очдог Фатима хот бий. Лиссабоноос хойт зүг рүү цаг гаруй машинаар яваад хүрэх энэ хот руу явган, унаатай католик шашинтай мөргөлчид, жуулчид зочилно. 

1917 оны 5-р сарын 13-наас өмнө энэ хотыг хэн ч мэддэггүй байсан.  Харин энэ л өдөр хонь, хургаа хариулж явсан Люсия, Франциско, Жасинта гурван хүүхэд Онгоныг \Virgin\ харсан бөгөөд, 10 настай байсан Люсия л түүнийг юу хэлснийг сонсжээ.  Тэрээр, 6 сарын туршид сар болгоны 13-нд ирж байна гэж хэлснээс хойш 10-рсарын 13-нд бараг 70000 хүн цуглууласан гэдэг түүх байдаг юм байна.

Сүм дотор байрлах 3 хоньчин хүүхдүүдэд зориулсан хөшөө



Одоо жил бүрийн 5-р сарын 12, 13-нд, 10-р сарын 12, 13-нд  шил шилээ даран баригдсан зочид буудлууд мөргөлчдөөр дүүрнэ.  Зочид буудлынх нь нэр нь хүртэл Христос, Гэгээн Мария г.м. Библи, католиок шашинтай холбоотой.

Хөгшин, залуугүй ингээд өвдгөн дээрээ мөргөл үйлддэг замтай юм билээ

 Сүмийн мөргөл үйлдэх цагийн хуваариуд

 Бэлэг дурсгалын зүйлээс гадна лам нарын хувцас зардаг дэлгүүрүүд олон

Гэлэнмаа нар шашны дуу дуулж байсан



Олон зуун зочид буудлын нэг нь

Б.Жавхлан

Цастай, мостэй овол

Зарим хумуусийн хувьд овол дуусаж байхад минийх 3-р сарын 2-нд цаст уулын барааарснаар эхэллээ.

Монгол фонтгуй тул нэг иймэрхуу маягаар л бичих болж байна. Хулцэл очье. Болбол 2 усгийг бага хэрэглэхийг бодье.

Португалд карнавалын амралт эхэлж сургуулийн хуухдууд долоо хоног амрах болсноор бид гэр булээрээ Андорра улсын (Испани, Франц хоерын дунд хавчуулаастай жижигхэн улс) Ел Тартер тосгонд 14 цаг машинаар явж байж ирэв. Арай ч бас 14 цаг жолооны ард суусангуй. Мадридад амьдардаг найзындааа нэг хонож, тэдэнтэйгээ хооролдон, испани хоол амтлан, оройн Мадридаар зугаалаад наашаа дараа одор нь хулгийн жолоог залсан юм.

За явсаар байгааад, 2 охиндоо 2 кино замдааа узуулээд ирлээ. Уул нь ч хурдны замаар тоос татууулах амархан (за дааа эндхийн зам дээр ч тоос гарах бишдээ, худлаа бичээд юу гэхэв) л даа. Даанч сууулийн 2 цаг бол цагт 60 км хурдтай явбал бараг их юм болж байгаа юм даа.

Хилээр оронгуут бидний машиныг зогсоогоод паспорт шалгалаа. Урд нь явж байсан би их л онцгуй харагдсан бололтой доо :)

Энэ жил Андорраг цасаар дараагуй байнаа. Гэхдээ уул цасаар хучигдсан байлаа. Яаран буудалдаа орж, чемоданаа тавьчихаад, цана, цанын гутал холслох дэлгуур луу очсон чинь 7:30- д олон уфлчлуулэгч байна гээд хаалгаа барьчихлаа. Уул нь 8 цагт хаах юм л даа. Мвргааш оглоо нь нойроо хумслан байж эрт очиж цанаа аваад, лифтны билетээ бас худалдаж аваад 2 охиноо цанаар гулгах хичээлд нь хургэж огов. Эхний одор учир 10 цагаа 11:30 хуртэл, дараа нь 1:30-3 цаг хуртэл хичээлтэй. Маргаашнаас нь хичээл хэвэндээ орж 10 цагаас 1 цаг хуртэл хичээллэлээ. Одорт 3 цагийн хичээл 5 одрийн турш 2 хууухдийн групп сургалт нийлээд 238 евро болж байна. Энэ нь англи хэлээр явагддаг анги юм. Энд бас испани хэл дээр сургалт явуулна. Магадгуй франц хэл дээр сургалт явагддаг байх.

Monte Estoril photo shoot

Хэдэн сарын туршид зургийн аппарат маань шургуулганд амарсан юм.  Нэг өдөр хэдэн ФБ-р зураг авах сонирхолтой хүмүүс уулзалдаж Монте Эшторил хотын зураг авахаар тохиролцлоо. Ажилгүй ч гэсэн заримдаа надад зарим нэгэн арга хэмжээнд оролцох боломж гардаггүй ч цаг заваа чөлөөлөн байж энд амьдардаг хэдэн гадаадын хүмүүстэй уулзаж, кофе уун, өөрсдийгөө танилцуулж, зургийн аппаратуудаа сонжиж, бас группын ахлагчаасаа зөвлөлгөө авч 2 цаг гудамж метерлэх ажилд гарлаа.

Монте Эшторил гэж Атлантын далайн эргийн ойролцоох жижиг хотын нэгэн хэсгээр эргүү юм шиг баахан тэнэж, 100 гаруй зураг дарлаа. Сонин байшин барилгын зургийг нилээн зургийг аппаратын санамжид хийчихлээ.  Бас хэд гурван хүмүүсийн зургийг мэдэгдэлгүй дарж чадав.

Тэр жижигхэн хотод Хөгжмийн музей байна.  Их сонин хэлбэртэй байшин, том ч цэцэрлэгтэй юм даа.

За ингээд хэдэн зураг дарсныг минь тавтай сонирхоно уу.

Цэцэрлэгийн сандал

Португалд гудамжны нэрийг плитан дээр бичих нь элбэг. Энэ нь 16-р зуунд арабаас орж ирсэн урлаг юм.

 Энэ өдөр олон мопед дугуйтай тааралдсаны нэг нь. Энэ зурагнуудыг яаж зөв байрлуулахаа хайгаад олсонгүй уучлаарай. Хүзүүний дасгал хийгэд зүгээр байж магадгүй

Иймэрхүү л жимс, ногоог оршин суугчид худалдан авна.  Ихэнхдээ энэ дэлгүүрүүдийг нилээд настайвтар хүмүүс ажиллуулна.

Цэцгийн дэлнгүүрийн гадаа. Удахгүй зул сар болох гэж байгаа болохоор улаан цэцэгнүүд дэлгүүрийн лангуунд олноороо зарагддаг юм. Гэрийн тэжээвэр амьтдад муу талтай гэж уншиж байсан юм байна

Хэн нэгэн их л завтай байсан юм шиг байгаа юм.

Байшингаа нэрлэх нь бас элбэг байдаг юм

Энэ шат их сонирхол татсан бололтой

Хөтлөлцөн өглөөгүүр алхаж яваа дунд насны хоёр

Энэ их үнэтэй цайны дэлгүүр байсан. Гүцнүүд нь бол их сайхан ч, бас үнэтэй. Зураг авангаа бас дэлгүүр хэсээд амжсан шүү. Эмэгтэй хүн юм чинь яаж зүгээр өнгөрөөд гарахав дээ.

Тэнгэр бүүдгэр байсан болохоор энэ залуу сөфинг хийхээр явах гэж байна билээ.

Нэгэн айл балконоо цэцгээр чимэглэжээ

Хуучин эд зүйлс зардаг дэлгүүрийн эзэн\худалдагч нь гадаа төгөлдөр хуурын сандал дээр сууж байхад нь энэ зургийг дарсан юм

Нилээд юм үзсэн балкон байна билээ

Португалын шуудангийн хайрцаг. Их Британийнхтай төстэй байсан юм.

Хөгжмийн музейн өмнөх  талбай

Плитан дээр зурсан байх нь их элбэг байдаг юм

Музейн дотор

Музейн гадаа

Хаалганы бариул

Сонин зарах цэг. Энэ хотод гадаадынхан олноор амьдардаг болохоор олон хэлийн сонин их зарагдана

Байшингийн хана

Уул нь хоёр даль мод байгаа юм. Нэгийг нь нүцгэлчихсэн, бодвол хорхой шавьжинд идэгдсэн байх. Цаад талынх нь болохоор ид цэцэглээд, урд талынхаа модыг гоёоод байгаа юмаа

Байшингийн нэрээ ингээд биччихжээ

Дэгээ зүүгээр нэхсэн даашинжтай, донжтой мод. Оливийн мод байсан байхаа. Улсын  хамгаалалтанд байдаг хүндтэй мод юм

Энэ модыг юу ч үгүй дотроос нь идчихсэн байна билээ.

Нэгэн баян айлын байшингийн гаднах төрх

Хашааны хана

Ажил тарсны дараа Сүпер. Энэ пивоны рекламууд их таалагддаг юм. Гэхдээ би пиво уудаггүй л дээ. Үнэрийг нь авч чаддаггүй юм

Намрын хэсэгхэн өнгийг энэ жижигхэн цэцэрлэгээс олж хараад хичнээн их баярлав аа

Орон нутгийн бизнесийг ингээд самбар дээр биччихсэн байна билээ

Уул нь энэ хоёр хүнийг танилцуулчихвал зүгээр юм болов уу гэж бодож суусан юм. Эрэгтэй нь нохойгоо хараад завгүй, эмэгтэй нь тамхи татах гээд завгүй